Të flesh herët e për rrjedhojë të plotësosh të gjitha orët e gjumit që i duhen një njeriu është një nga dhuratat më të mira që mund t’i bëni organizmit.

Por kjo jo gjithmonë është e mundur edhe kur keni disa minuta të shtrirë në shtrat me sytë e mbyllur.

Ndjesia e pagjumësisë në ato momente dulet sikue nuk ka zgjidhje dhe nuk do të mbarojë kurrë.

Për të hequr dorë nga kjo rutinë e bezdisshme që mund t’i ndodhë kujtdo, AgroWeb.org ju këshillon që të provoni këto katër pije para se të shkoni për të fjetur.

Zgjidhni një kombinim që ju pëlqen dhe konsumojeni para gjumit për të gjetur qetësinë dhe për të pushuar të qetë.

Qumësht me Turmerik

Turmeriku apo Shafrani i Indisë siç njihet ndryshe në vendin tonë, është një nga antinflamatorët më të fuqishëm që mund të keni në shtëpinë tuaj, për shkak të përmbajtjes së kurkuminit.

Kjo do të thotë gjithashtu një aktivizues i fuqishëm tretës për stomakun dhe qetësimin e tij.

Mund të uluë nivelin e sheqerit në gjak, i cili promovon gjumë më të gjatë dhe më të thellë.

Kështu çdo natë para se të flini përziejeni qumështin tuaj me një lugë pluhur turmeriku dhe konsumojeni për të fjetur më mirë.

Pini çaj

Çajrat mund të ndihmojnë trupin dhe mendjen të kryejnë më mirë një sërë procesesh.

Në veçanti kamomili i cilo njihet si një nga kurat më të mira natyrale që promovon gjumin e mirë.

Është zbuluar se ky efekt i thellë qetësues vjen nga një antioksidant i quajtur apiogiena.

Ky antioksidant lidhet me disa receptorë specifikë në trurin tuaj që njëkohësisht ulin ankthin dhe nxisin gjumin.

Mënyra më e mirë për gjumë të thellë është ta lini çajin të lëshojë sa më shumë ekstraktin e tij në ujë dhe sigurisht të jetë kamomil i freskët.

Çokollata e ngrohtë

Një nga pijet më të dashura të fëmijëve, por jo vetëm.

Zgjidhni çokollatë të shkrirë apo një kako të ngrohtë pa sheqer dhe konsumojeni çdo darkë që gjumi të trokasë në sytë tuaj.

Kjo  një nga alternativat natyrore më të mira për gjumë të thellë, është një mënyrë e shijshme dhe relaksuese, ndërkohë që ju jep përfitime shëndetësore në trup.

Ndihmon në uljen e sheqerit në gjak, shtimin e acideve yndyrore të shëndetshme dhe lehtëson çdo stres mendor që mund t’ju mbajë zgjuar gjatë natës.

Pra mjafton vetëm një filxhan çokollatë dhe do të flini gjatë gjithë natës.

Lëngjet me minerale

Melatonina dhe serotonina janë shumë të rëndësishme për gjumë të thellë dhe çlodhës.

Mungesa e tyre është pikërisht përse netët tona kthehen në nje mankth përsa i përket gjumit të qetë, prandaj bëjini sa më shumë pjesë të dietës tuaj.

Një mënyrë e mirë për të pasur një sistem nervor të qetë është që të konsumoni ushqime të pasura me to siç janë bananet, tërshëra apo bajamet.

Hidhini të gjitha në një misker shtoni pak qumësht dhe përzieni derisa të formohet pija. Mjafton gjysmë banane, 1 gotë qumësht, 1 lugë tërshërë dhe disa bajame.

Konsumojeni para se të flini dhe do të gjeni qetësinë e kërkuar.